Here is detail in URDU about How to Prepare Yourself for PPSC and attain highest marks by knowing all procedure
لیکچرار کیلئے PPSC کا طریقہ کار” ملاحظہ فرمائیں …!!
لیکچرار کی پوسٹ کیلئے اپلائی کرنے کیلئے ماسٹرز ڈگری میں کم از کم سیکنڈ ڈویژن کی ضرورت ہوتی ہے۔ پی۔پی۔ایس۔سی کے ذریعے لیکچرار کی بھرتی♥ کیلئے امیدوار کو تین طریقوں سے پرکھا جاتا ہے اور آخر میں تینوں کے مجموعے کی بنیاد پر ریکمینڈ کیا جاتا ہے۔ وہ طریقے درج ذیل ہیں۔
1۔ اکیڈیمک مارکس میکسیمم 40 ہوتے ہیں جن میں
میٹرک کے 5 مارکس
ایف۔اے/ایف۔ایس۔سی کے 7 مارکس
بی۔اے/بی۔ایس۔سی کے 11 مارکس
ایم۔اے/ایم۔ایس۔سی کے 17 مارکس
اگر آپ کا بی۔اے/بی۔ایس۔سی آنرز ہو تو بیچلر اور ماسٹر ڈگری کے مارکس اکٹھے کر دیئے جاتے ہیں جو 28 بنتے ہیں۔
دونوں صورتوں میں ٹوٹل مارکس 40 ہی ہوتے ہیں۔ یہ مارکس آپ کو آپکی حاصل کردہ پرسینٹیج کی بنیاد پہ دئیے جاتے ہیں۔ عام طور پہ امیدوار 30 سے 36 کے درمیان نمبر حاصل کرتے ہیں۔
100
نمبر کا ٹیسٹ ہوتا ہے جس کو بعد میں ہاف کر لیا جاتا یعنی 100 کی بجائے 50 نمبر میں سے حاصل کردہ نمبر کاونٹ کیے جاتے مثال کے طور پہ آپ نے ٹیسٹ کے 100 میں سے 60 نمبر حاصل کیے ہیں تو آپ کے 50 میں سے 30 نمبر کاونٹ ہوں گے۔
انٹرویو 100 نمبر کا ہوتا ہے۔ جس میں کم از کم تین اور زیادہ سے زیادہ چار لوگ بیٹھے ہوتے ہیں جن میں ایک ppsc کا نمائندہ، 2 متعلقہ مضمون کے لوگ اور ایک ماہر نفسیات بیٹھا ہوتا۔ ماہر نفسیات بعض اوقات نہیں ہوتا۔
پی۔پی۔ایس۔سی کا نمائندہ آپ سے ذاتی نوعیت کے سوال پوچھتا۔ اس کا پہلا سوال ہوتا Introduce Yourself جس میں آپ نے اپنا نام، علاقہ، تعلیم اور تعلیمی ادارے وغیرہ بتانے ہوتے۔ آپ کو کم از کم 2 منٹ اپنے بارے بولنا آتا ہو۔ وہ آپ کے تعارف سے کوئی اور سوال بھی نکال سکتا۔ آپ کے مضمون سے متعلقہ دونوں لوگ آپ سے کم از کم تین تین سوال پوچھتے۔ ماہر نفسیات آپ سے جنرل نالج یا ذاتی نوعیت کے سوال پوچھتا۔ آپ کے ضلع کی ہسٹری اور مشہور اشیاء یا جگہوں بارے بھی پوچھا جا سکتا۔ انٹرویو 5 منٹ سے لے کر 30 منٹ تک لمبا ہوسکتا۔
10
نمبر امیدوار اس صورت میں کلیم کر سکتا اگر اس کے والد یا والدہ میں سے کوئی ایک سول سروس میں تھا اور دوران سروس اس کا انتقال ہو گیا ہو۔ یہ نمبر تمام بہن بھائیوں میں سے کسی ایک کو مل سکتے۔
اس طرح اکیڈمک مارکس 40 + ٹیسٹ مارکس 50 + انٹرویو مارکس 100 + کلیمنڈ مارکس 10 تو کل 200 نمبر بنتے جن میں سے میرٹ کی بنیاد پر امیدوار کی سلیکشن ہوتی۔ اگر میں کہوں کہ کسی قسم کی سفارش یا سیاسی وابستگی کا اس سلیکشن میں کوئی رول نہیں ہوتا تو غلط نہیں ہوگا ہاں البتہ اگر بائی چانس انٹرویو کے پینل میں آپ کی اپنی یونیورسٹی کا کوئی پروفیسر بیٹھا ہو اور وہ تھوڑی بہت فیور کر دے تو الگ بات ہے۔ لیکن اگر آپ کو پتا بھی ہو کہ میرا استاد انٹرویو لینے آ رہا تو ضروری نہیں کہ وہی آپ کا انٹرویو لے کیونکہ ایک دن میں چار پانچ علیحدہ علیحدہ پینل انٹرویو لے رہےہوتے۔ جن میں سے آپ کسی بھی پینل کے سپرد کیے جا سکتے۔
اعلی تعلیم جس میں ایم۔فل کے 2 مارکس اور پی۔ایچ۔ڈی کے 3 مارکس ہوتے ہیں لیکن یہ ہر پوسٹ میں نہیں دئیے جاتے ۔ پوسٹ کی انسٹرکشن میں لکھا ہوتا کہ یہ نمبر آپکو دئیے جائیں گے یا نہیں۔..